Əli Əliyev: «Arif Hacılının sualları müttəfiqinə aiddir»

Müsavat Partiyasının Mərkəzi İcra Aparatının rəhbəri Arif Hacılı vahid namizəd məsələsi ilə bağlı müxalifət partiyaları arasında aparılan müzakirələri kəskin tənqid edib. Müsavatın qatılmadığı 8 partiyanın görüşünə toxunan A.Hacılı bəzilərini hakimiyyətin “əlaltısı” adlandırdıqları şəxslərlə bir masa arxasında vahid namizəd məsələsi ilə bağlı müzakirə aparmaqda ittiham edib. A.Hacılı bu haqda Facebook səhifəsində açıqlama verib: “Mən vahid namizəd mövzusunu Əli Əliyevlə,Yusif Bağırzadə ilə, Əvəz Temirxanla, Sərdar Cəlaloğlu və başqaları ilə müzakirə etməyi təklif etməmişəm. Mən təklif etmişəm ki, bu müzakirələr İctimai Palatada real siyasi qüvvələr, müttəfiqlər arasında aparılsın. Bir neçə gün əvvələdək vahid namizəd mövzusunun müzakirəsini pis halda hakimiyyətə xidmət, yaxşı halda zərərli təbliğat hesab edənlər, məhz bu mövzunu yenə də son günlərədək hakimiyyətin əlaltısı adlandırdıqları şəxslərlə müzakirə etmələrini necə izah edəcəklər?”.

Vətəndaş və İnkişaf Partiyasının (VİP) sədri Əli Əliyev «Vətəninfo.az»a açıqlamasında bildirdi bu daha çox İctimai Palatanın daxili məsələlərə aiddir: «Arif Hacılının sualları müttəfiqinə aiddir və bizim bunu cavablandırsaq səhvə yol verərik. Yaxşı olar ki, buna sualın ünvanı cavab versin. Ancaq ittihamlara gəlincə isə o, hamını hakimiyyətin «əlaltısı» adlandırmayıb. Deyib ki, «o partiyalar sırasında belləri var». Əminəm ki, onu deyən zaman Arif bəy bizi nəzərdə tutmayıb».

Firudin