Ər-arvadı maşın vurdu

Vətəninfo.az  xəbər verir ki, Gəncədə ölümlə nəticələnən ağır yol-nəqliyyat hadisəsi baş verib. APA-nın qərb bürosunun verdiyi məlumata görə, hadisə sentyabrın 21-də saat 22 radələrində şəhərin Heydər Əliyev prospektində baş verib. Gəncə şəhər sakini, 1987-ci il təvəllüdlü Məmmədov Fərid idarə etdiyi “Mercedes” markalı avtomobillə hərəkətdə olarkən yolu keçmək istəyən ər-arvad, Gəncə şəhər sakinləri, 56 yaşlı Fazil Verdiyev və 53 yaşlı Nazlı Verdiyevanı vurub. F. Verdiyev hadisə yerində, N. Verdiyeva isə xəstəxanaya aparılarkən yolda ölüb. F. Məmmədovun idarə etdiyi maşın daha sonra idarəetmədən çıxaraq yolda hərəkətdə olan “Hyundai” və yolun kənarında dayanmış digər “Mercedes” markalı avtomobillərə dəyib. Hər iki avtomobil zədələnib.

Vətəninfo.az