Ərdoğanı edamla hədələdilər

Türkiyənin prezidenti Rəcəb Tayyib Ərdoğan sosial şəbəkədə edamla hədələnib.

Vətəninfo.az  ANS PRESS-ə istinadla xəbər verir ki, Fətullah Gülənin “Hizmet” hərəkatına aid “Bugün” telekanalının redaktoru Tarık Toros Ruumınyanın keçmiş prezidenti Çauşevskinin sarayının qarşısında çəkdirdiyi şəkli facebookda paylaşaraq ölkə prezidentinə söz atıb. Bütün bunlar isə Türkiyənin sabiq baş naziri Adnan Menderesi edama aparan dövlət çevrilişinin baş verdiyi 27 may tarixində baş verib.
Toros Çauşevskinin tikdirdiyi bu sarayda heç yaşaya bilmədiyini vurğulayıb: “Bu, Çauşevskinin yaşaya bilmədiyi saraydır... Buxarestdə. Dünyanın ən heybətli üçüncü ictimai binasıdır. Tənqiddən sonra “özüm üçün tikdirmirəm, məndən sonrakılar qalacaq” demişdi. Həqiqətən elə oldu, başa çatmaq üzrə ikən edam olundu. Rumınca “Xalqın evi” qoyub adını, o dərəcə. Şəhər qəbiristanında arvadı ilə yan-yana yatır. Üstündən yol keçib, keçə il kənara köçürüblər. İbrətlik. Çənəm düşdü”.
Xatırladaq ki, Ərdoğan prezident seçildiyi zaman prezidentin rəsmi iqamətgahı olan “Çankaya” köşkünə getməmiş, vəzifələrini icra etmək üçün daha əvvəl tikdirdiyi “Ağ saray”ı seçmişdi. Ərdoğan kəskin tənqidlər qarşısında bu binanı özü üçün tikdirmədiyini, bunun Türkiyəyə qalacağını demişdi.