Ermənistanın dəstəyi ilə kanton bölgə yaradıla bilər

Türkiyə PKK terror təşkilatının ölkənin şərqində gərginliyi pik həddə çatdırması diqqətlərdən yayınmır.

Vətəninfo.az xəbər verir ki, ANS PRESS-in Türkiyə mətbuatına istinadən verdiyi məlumata görə, PKK separatçıları Qars-Kağızman, İqdır, Doğubəyazid, Ərdaxan, Göle və Ərzurumun bir hissəsində fəallığını çoxaldaraq qondarma kanton bölgə yaratmağa çalışır. Həmin qondarma kanton bölgə planında Ermənistanın dəstəyi və bu ölkədən gələcək hərbi yardımın təmin olunması yolunun açılması istənilir.

Separatçı lider Cəmil Bayık

Təhlükəsizlik və kəşfiyyat orqanlarının bununla bağlı apardığı dəyərləndirməyə görə, Doğubəyaziddə baş verən terror hadisələri pik həddə çatıb. Terrorçu Cəmil Bayık ən çox etimad etdiyi adamı Yusif Şeki terror hadisələrinin artırılması üçün bu bölgəyə göndərib. Beləcə ən böhranlı ərazidə şimali Suriyada olduğu kimi kanton ərazi elan olunmasına zəmin yaradılır.

Təhlkəsizlik və kəşfiyyat orqanlarının separatçı təşkilatın elan etmyə hazırlaşdığı "ilk kanton ərazi” barədə dəyərləndirməsi belədir: "Ağrıda Sırrı Sakıkın bələdiyyə başçısı, Leyla Zananın bu yerdən millət vəkili seçdirilməsi təsadüfi deyildir. Bu plan baş tutarsa Sakık və Zana bu qondarma kantonun administrasiya rəhbəri (prezidenti) olacaqlar. Bundan sonra bölgəyə Ermənistanın yardımı, hərbi və fiziki dəstəyi planlaşdırılır. Ermənistanda PKK düşərgələrinin olması isə bilinən həqiqətdir.” – deyə dəyərləndirmədə vurğulanır.