“Əsgər dünyasını dəyişir, hamı yaxasını kənara çəkib”

Əsgər ölümlərinin qarşısını almaq üçün, birinci növbədə əliəyriliyə, rüşvətxorluğa yol verən vəzifəli şəxslər qanunun dili ilə sərt cəzalandırılmalıdırlar.

Bu sözləri “Vətəninfo.az” a hərbi ekspert Üzeyir Cəfərov orduda baş verən hadisələri şərh edərkən bildirdi.

“Yəni, istər Səfərbərlik və Hərbi Xidmətə çağırış üzrə Dövlət Xidməti olsun, yaxud da ki, hər hansı güc struktutu, fərq etməz, əgər onların günahları ucbatından əsgər ölümləri baş verirsə, ən sərt formada cəza tətbiq edilməlidir. Bizdə bir əndrabadi iş üsulu tapıblar. Əsgər dünyasını dəyişir, hamı yaxasını kənara çəkib, deyir ki, araşdırma aparılır. Ay qardaş, nə araşdırma, nə filan, indiyə kimi bir araşdırmanın nəticəsi açıqlanıb ki, kimlərsə özünə nəticə çıxartsın? bir sözlə, bu sahəyə ictimai nəzarət artırılmalıdır ki, belə xoşagəlməz hadisələr baş verməsin”,-deyə hərbi ekspert qeyd etdi.

Elnur Eltürk