Dekabrın 29-da Günəşdə 15 güclü partlayış, o cümlədən ən yüksək səviyyə olan bir X sinfi alov qeydə alınıb.

Publika.az xəbər verir ki, bu barədə TASS-a Tətbiqi Geofizika İnstitutu (IPG) məlumat verib.

19 dəqiqə davam edən ilk M1.2 sinifli alov Bakı vaxtı ilə saat 02:14-də 3933-cü Günəş ləkələri qrupunda qeydə alınıb. Kosmik hava monitorinqinə əsasən, gün ərzində daha 14 M və X sinifli partlayış olub.

Rusiya Elmlər Akademiyası Kosmik Tədqiqatlar İnstitutunun Günəş Astronomiya Laboratoriyasının və ISTP SB RAS-ın məlumatlarına əsasən, X sinifli alovlardan ən azı biri Yerə potensial olaraq geomaqnit təsir göstərə biləcək ərazidə baş verib.

Bundan əvvəl elm adamları 2024 və 2025-ci illərin qovşağında güclü günəş alovu təhlükəsi barədə xəbərdarlıq etmişdilər.