Güney Azərbaycanla bağlı qanun ABŞ Konqresinə göndərilib

Amerikalı konqresmen Deyn Rorabaher tərəfindən Güney Azərbaycanın parçalanması və s. məsələləri özündə birləşdirən qanun layihəsi Konqresin Xarici Əlaqələr Komitəsinə təqdim edilib.

Bu barədə Gün.Az-a Kanadadan Güney Azərbaycan Türklərini Müdafiə Mərkəzinin sədri Hüseyin Türkelli bildirib.

“Konqresmen Deyn Rorabaherin təqdim etdiyi qanun layihəsində 1826-28-ci illərdə baş verən Rusiya-İran müharibəsi nəticəsində Azərbaycanın iki hissəyə parçalandığı bildirilir.

Bununla yanaşı, Güney Azərbaycan türklərinin öz müqəddəratını təyinetmə hüququnun olduğu və s. məsələlər öz əksini tapıb. Qanun layihəsində Amerika hakimiyyətindən Güney Azərbaycanın müstəqillik hərəkatının dəstəkləmək də göstərilib”, - deyə mərkəz rəhbəri qeyd edib.