Hacıbala Abutalıbov yanğına baxıb, hönkür-hönkür ağlayır

Bakıda yanan Heydər Əliyev Mərkəzinin söndürülməsinə artıq helikopterlər də cəlb olunub. GUNDEMİNFO.AZ-ın hadisə yerində olan əməkdaşı Azər Bağırovun verdiyi məlumata görə, artıq Heydər Əliyev prospektində nəqliyyatın hərəkəti məhdudlaşdırılıb. Yaxınlıqda olan obyektlərin təxliyyəsinə başlanılıb.

Hadisə yerinə nəqliyyat naziri Ziya Məmmədov, fövqəladə hallar naziri Kəmaləddin Heydərov, baş nazirin müavini Abid Şərifov da gəliblər. Yanğın baş verən ərazinin yaxınlığında olan Bakı Şəhər İcra Hakimiyyətinin başçısı Hacıbala Abutalıbov isə hönkür-hönkür ağlamaqdadır. Hadisə şahidlərinin bildirdiyinə görə, xidməti maşınından düşən kimi Abutalıbov iki əlli başını tutub və ağlamağa başlayıb.