Hollandiyada Dağlıq Qarabağ problemi ilə bağlə tədbir keçiriləcək

“Veteninfo.az” xəbər verir ki, Hollandiyanın paytaxtı Amsterdamda ''Dağlıq Qarabağ problemi və Cənubi Qafqazın Təhlükəsizlik Problemi'' mövzulu konfrans keçiriləcək.

10 Dekabr “Dünya İnsan Haqları Günü” münasibəti ilə Avrasiya Təhlükəsizlik və Strateji Araşdırmalar Mərkəzi (ATSAM) tərəfindən koordinasiya edilən beynəlxalq konfransa Hollandiya Türkevi Araşdırmalar Mərkəzi, BAK və Avrasiya İqtisadi Əlaqələr Dərnəyi (EkoAvrasya) dəstək verirlər. 

Konfrans Cənubi Qafqazda təhlükəsizlik problemlərini, Ermənistanın Azərbaycana hücumu, Qarabağda yaşayan azərbaycanlılara qarşı etnik təmizləmə siyasəti, işğal altındakı torpaqlardakı mədəni abidələrin məhv edilməsi və yaşanan böyük insan hüquqlarının pozulması dünya ictimaiyyəti ətraflı məlumat vermək məqsədilə keçiriləcək.

Avrasiya Təhlükəsizlik və Strateji Araşdırmalar Mərkəzi (ATSAM) başçısı Dr. Hatəm Cabbarlı, Avrasiya İqtisadi Əlaqələr Dərnəyi (EkoAvrasya) sədri Hikmət Eren, Hollandiya Türkevi Araşdırmalar Mərkəzi başçısı Veyis Güngör və BAK sədri Sahil Qasımovun natiq olaraq qatılacağı konfransda Azərbaycan və Türkiyədən də insan hüquqları təşkilatları nümayəndələri, elm adamları, parlamentarlar və mətbuat nümayəndələri iştirak edəcək.

Hollandiya parlamentində reallaşdırılacaq  konfrans Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən dəstəklənir.

Könül İbrahim