Hollandiyada millət vəkili Adil Əliyevlə görüş keçirilib

Veteninfo.az xəbər verir ki, Hollandiya –Azərbaycan Parlamentlər arası dostluq qrupunun rəhbəri, millət vəkili Adil Əliyev, Hollandiyada fəaliyyət göstərən Azərbaycan-Türk Mədəniyyət Mərkəzinin qərərgahında, həmın ölkədə yaşayan bir qrup diaspora nümayəndələri ilə görüşüb. Görüş olduqca maraqlı və səmimi şəraitdə keçib. Millət vəkilinin təklifi ilə mərhum Prezident Heydər Əliyevin və şəhidlərimizin xatirəsi yad olunub. Daha sonra Adil Əliyev Azərbaycan-Hollandiya münasibətləri, Azərbaycanın bu günkü durumu barədə çıxış edib. Azərbaycan – Türk Mədəniyyət Mərkəzinin başqanı İlhan Aşkın da çıxışına millət vəkilini və qonaqları salamlamaqla başladı. Daha sonra diaspor fəaliyyətinin daha aktiv fəaliyyət göstərməsinin vacibliyini vurğulayan İlhan bəy, bu barədə səylərini artıracağını qeyd etdi. Daha sonra Hollandiyada fəaliyyət göstərən, Hollandiya və Beynəlxalq Jurnalistlər Birliyinin üzvü Vüqar Abbasov söz alaraq, burdakı diaspora nümayəndələrinin çox işlər görməli olduğunu önə çəkib. Çıxışlardan sonra millət vəkili Adil Əliyevə tədbir iştirakçılarının suallarını cavabladırdı.

Daha sonra tədbir iştirakçıları Den Haaq şəhərində ucaldılmış Xocalı abidəsini ziyarət edib ora gül dəstələri qoydular və yerli, Türkiyə mətbuatına açıqlamalar verdilər.

Elnur Eltürk