İctimai Palata jurnalistin həbsindən narahatdır

“Azərbaycanda media qurumu rəhbərlərinin təzyiqlərlə üzləşməsə “ənənə” halını alıb”

İctimai Palata Bakı İnformasiya Agentliyinin (bia.az) təsisçisi Sudef Məcidlinin həbsindən narahatdır və istintaq prosesini nəzarətdə saxlayır. 

”Veteninfo.az-a bu barədə məlumat verən İP Koordinasiya Şurasının üzvü Rafiq Manaflının sözlərinə görə, Sudef Məcidlinin son günlər saytda yer alan yazılara görə həbs olunması ehtimalı ilə bağlı fikirlər var: “Etiraf edək ki, Azərbaycanda media qurumu rəhbərlərinin təzyiqlərlə üzləşməsə “ənənə” halını alıb və bu həbsin də siyasi sifarişlə icra olunduğu istisna edilə bilməz. Buna görə də istintaq işini ciddi şəkildə izləyəcək və prosesi nəzarətdə saxlayacağıq”. 

Xatırladırıq ki, bia.az saytının təsisçisi Sudef Məcidli aprelin 12-də Nəsimi rayon Polis İdarəsinin əməkdasları tərəfindən həbs olunub. Həbslə bağlı hələlik heç bir rəsmi açıqlama verilməsə də, bia.az saytının əməkdaşları bu həbsin Sudef Məcidlinin təsisçisi olduğu saytda gedən yazılara görə olduğu ehtimalını bildiriblər.

Rövşən Ziya

P.S: Onu da qeyd edək ki, Bakı İnformasiya Agentliyi Sudef Məcidlinin həbsi ilə əlaqədar olaraq bu gündən fəaliyyətini dayandırdı.