2015-ci ilin sentyabr ayından Bakı-Xırdalan-Sumqayıt istiqaməti üzrə istifadəyə verilməsi nəzərdə tutulan yeni, ikimərtəbəli qatarlarda sərnişinlərə xidmət etmək məqəsdilə bələdçilər axtarılacaq. 

Vətəninfo.az-ın məlumatına görə, Oxu.Az-a bu barədə "Azərbaycan Dəmir Yolları” QSC-nin mətbuat xidmətinin rəhbəri Nadir Əzməmmədov bildirib. 

Onun sözlərinə görə, hər vaqonda iki nəfər belə bələdçinin olması nəzərdə tutulub:

"Biz çalışacağıq ki, bələdçilər müasir, ingilis, rus dillərində səlist bilənlər olsun ki, sərnişinlər qatarlardan istifadə edərkən çətinlik çəkməsinlər”.

Qeyd edək ki, Azərbaycan Nazirlər Kabinetinin Yol Hərəkəti Təhlükəsizliyi Komissiyasının cümə axşamı növbəti iclası keçirilib.

İclasda qərara alınıb ki, yeni qatar bu il sentyabrın 15-dək istismara verilsin.