İP-də Diplomatlarla görüş müzakirə edilib

Bu gün İctimai Palatanın Koordinasiya Şurasının toplantısı olub. İclasa Koordinasiya Şurasının üzvü Rafiq Manaflı sədrlik edib. Müsavat başqanın müavini Gülaga Aslanlı “Vətəninfo.az”a açıqlamasında bildirib ki, 

iclasda 22 aprel mitinqinin nəticələri və diplomatik korpus təmsilçiləri ilə Koordinasiya Şurası üzvlərinin 24 apreldə keçirilən görüşü müzakirə olunub. Həm mitinqin nəticələri, həm də görüş uğurlu qiymətləndirilib.

6 maya təyin olunmuş mitinqin yeri və mitinqlə bağlı digər texniki, təşkilati işlərin müzakirəsini isə Koordinasiya Şurasının aprelin 27-də keçiriləcək növbədənkənar toplantısına saxlamaq barədə razılıq əldə olunub. Mitinqin harada keçirilməsi ilə bağlı qərar növbədənkənar toplantıda qəbul ediləcək.

Oral MƏDƏNÇİ