İran 2015-ci ildə bütün yatağlarda neft hasilatını artırmağı planlaşdırır

İranın Milli Neft Şirkəti bəyan edib ki, bu il bütün yatağlarda neft hasilatını artıracaq.  Vətəninfo.az-ın məluatına görə, "Report" TASS agentliyinə istinadən xəbər verirki, bu barədə İranın Şərq (Shargh) qəzeti yazır.

Beynəlxalq reytinq agentliyi Fitch mütəxəssislərinin rəyinə görə, İranda neft hasilatının bərpası artıq gələn ildən etibarən başlayacaq. Lakin, ölkədə sanksiyaların tətbiqindən əvvəl qeyd olunan maksimum istehsal səviyyəsinə çatmaq üçün, İrana hələ bir neçə il vaxt lazım olacaq.

Hazırda İranın gündəlik neft ixracının həcmi 1,1 milyon barel təşkil  edir. Müqayisə üçün bildirək ki, 2012-ci ildə bu göstərici sutkada 2,5 milyon barel  idi.

Bir sıra ekspertlərin fikrincə, İrana qarşı sanksiyaların aradan qaldırılmasından sonra, bu ölkə neft hasilatını artıraraq, onun eksportunu çoxalda və neftin qiymətlərinə təsir göstərə bilər.