İsmayıl Safinin rəhbərlik etdiyi nümayəndə heyəti MQF-də olub

Ölkəmizdə işgüzar səfərdə olan türkiyəli millət vəkili, Qara dəniz İqtisadi Birliyi Parlamentlər Assambleyasında Türkiyə qrupunun rəhbəri İsmayıl Safi , Avrasiya İqtisadi Əlaqələr Dərnəyinin icraçı direktoru Hikmət Eren və Milli Məclisin deputatı Qənirə Paşayeva ilə  Azərbaycan Milli Qeyri-Hökumət Təşkilatları Forumunun prezidenti Rauf Zeyninin görüşü keçirilib. Avrasiya Sivil Toplum Kuruluşlarının gələcəkdə bir təşkilatda birləşməsini vurğulayan İsmayıl Safi MQF-yə bu təklifi dəstəklədiyinə görə minnətdarlığını bildirib. Eyni zamanda, gələcəkdə İstanbul və Ankarada  Avrasiya  Sivil Toplum Kuruluşu Federasyonunun təsis konfransının keçirilməsini məqsədəmüvafiq hesab edib. Rauf Zeyni MQF-də belə bir təklifin 2005-ci ildən  irəli sürüldüyünü , Avrasiya Sivil Toplum Kuruluşu Federasyonunun yaradılmasının mütərəqqi bir addım olduğunu, eyni adda saytın yaradılmasının da Avrasiya məkanında fəaliyyət göstərən QHT-lərin fəaliyyətinə qısa müddət ərzində müsbət təsir göstərəcəyini qeyd edib. İsmayıl Safi Azərbaycana səfərini çox yüksək qiymətləndirib və qarşılıqlı səfərlərin mütəmadi təşkil olunmasını bildərərək Azərbaycan- Türkiyə arasında və həmçinin Avrasiya məkanında ictimai münasibətlərin genişlənməsinə müsbət təsir göstərdiyini bildirib.

Əli