“İsrail Misirə hücum edə bilər”

Ömər Süleyman: “Təl-Əviv Sina yarımadasını müdafiəsiz görüb, buranı yenidən işğal edə bilər”

“Vətəninfo.az”ın türkiyə mətbuatına istinadən verdiyi xəbərə görə, Misirin prezidentliyə namizəd olan keçmiş kəşfiyyat rəisi Ömər Süleyman şok açıqlama ilə çıxış edib. O, bildirib ki, İsrail Misir ərazisinə raket zərbələri endirməklə, Sina yarımadasını yenidən işğal edə bilər. 

Misirin “Yevm el-Seba” qəzetinə açıqlama verən prezidentliyə namizəd, Misir və İsrail münasibətləri ilə bağlı önəmli mesajlar verib. 

Misirin Təl-Əviv tərəfindən düşmən ölkə elan edilməsindən narahat olduğunu deyən Ö. Süleyman, İsrailin Sina yarımadasını müdafiəsiz bir kimi gördüyünü və sərhədlərinini təhlükəsizliyini qorumaq üçün bu bölgəyə yenidən yenidən soxulmaq niyyətinin olduğunu da medianın diqqətinə çatdırıb. 

İsrailin Sinaya yeni işğal planının olub-olmaması ilə bağlı sualı cavablandıran qeyd edib ki, İsrailin Misirlə qarşıdurmanı və milli təhlükəsizliyi səbəb göstərərək bu hücumu gerçəkləşdirməsi mümkündür: “İsrail, dünyaya bu cür bəhanələr təqdim etməkdə mütəxəssisləşib”. 

Rövşən Ziya