İsti hava 40 nəfərin ölümünə səbəb olub - Yaponiyada

Ötən həftə Yaponiyada isti hava şəraiti 6 nəfərin ölümünə səbəb olub.

 

Vətəninfo.az-ın APA-ya istinadla xəbərinə görə, iyun ayından indiyədək təxminən 40 yapon vətəndaşı günvurma nəticəsində dünyasını dəyişib.

 NHK televiziya kanalının məlumatına görə, ötən həftəsonu 3 min vətəndaş müvafiq şikayətlərlə xəstəxanalara yerləşdirilib. 18 nəfər isə halsız vəziyyətdə tapılıb. Bildirilir ki, tibbi yardım üçün müraciətlər ən çox Tokio və Osaka şəhərlərindən daxil olur. Bir neçə uşaq da tibbi yardım üçün müraciət edib.

 Yaponiyanın Yanğın və Fəlakətlərdən Mühafizə Agentliyindən verilən məlumatda isə təxminən 25 minə yaxın insan oxşar şikayətlərlə xəstəxanalara müraciət etdiyi qeyd olunur.

 Uzun müddət davam edəcək isti hava şəraiti ilə əlaqədar olaraq yapon meteoroloqlar  vətəndaşlara kondisionerlərdən istifadə etməyi, açıq havada az olmağı və maye qəbul etməyi  məsləhət görüb.