Məşhur Rusiya politoloqu Maksim Şevçenko Moskvada və Sankt-Peterburqda "Ölməz alay" marşında "DQR" bayraqlarının qaldırılmasını və "Artsax" şüarlarının səsləndirilməsini virtualaz.org-a şərh edərkən belə deyib.

Ekspertin fikrincə, "Ölməz alay" marşını dəqiq tənzimləmək lazımdır.

"Hansı portretləri və bayraqları gətirmək, gəzdirmək olar ya yox, müəyyən etmək lazımdır. Əgər aksiyaya səhlənkar yanaşılarsa, onda orada orada ortaya hər kəsin portretləri çıxa və ağlasığmaz şeylər ola bilər. Həmin marşa yalnız Böyük Vətən Müharibəsində həlak olmuş döyüşçülərin portretlərini gətirmək olardı. Əgər ermənilər özlərinin hansısa qəhrəmanlarını şöhrətləndirmək istəyirlərsə, onda, belə deyək, qoy Yerevanda və ya öz vətənlərinin hansısa başqa bir yerində paradlar təşkil etsinlər", - deyə Şevçenko vurğulayıb.

Qeyd edək ki, "Ölməz alay" marşında məlum təxribat Azərbaycan mədəniyyətinin əsas mərkəzlərindən biri olan Şuşa şəhərinin erməni ordusu tərəfindən 8 mayda işğal olunması gününü qeyd etmək məqsədi ilə təşkil olunmuşdu. Nəticədə Moskvada və Sankt-Peterburq baş verən hadisələr marşın Azərbaycan və erməni iştirakçıları arasında toqquşmalara gətirib çıxardı.