Milli filmlərin pulsuz nümayişinə başladı

Vətəninfo.az  Azadlıq Radiosuna istinadən xəbər verir ki, martın 31-dən etibarən «Nizami» Kino Mərkəzində hər bazar ertəsi, çərşənbə və cümə günləri Azərbaycan milli filmlərinin pulsuz nümayişi başlanılır.
Bakı şəhər Mədəniyyət və Turizm İdarəsinin Nizami Kino Mərkəzinə istinadən yaydığı xəbərə görə, məqsəd tələbə və gənclərin milli filmlərə marağının artırılması, ekran əsərlərində əks etdirilən adət-ənənələrə bələdçilik, onların vətənpərvərlik ruhunda yetişməsinə dəstək verilməsidir.
Bundan əlavə, «Nizami» Kino Mərkəzinin layihəsində Azərbaycanın tarixi və tanınmış simaları haqqında filmlərin nümayişi də nəzərdə tutulub.

Vətəninfo.az