Natiq Miri:“Rusiya bu imtahanlardan çıxmadı”

Üfüqdə belə bir vəziyyət sezilmir. Sadəcə müəyyən Rusiyaya zaman tanındı ki, bu da ABŞ-ın strateji maraqlarına xidmət edirdi.

Bu sözləri “Veteninfo.az”a Azərbaycan Milli Strateji Təhqiqatlar Mərkəzinin sədri, politoloq Natiq Miri Amerika və qərbin cənubi Qafqaz bölgəsinə təsirlərinin azalması ilə bağlı fikrini şərh edərkən bildirdi: “Bu, həm Cənubi Qafqaz, həm qlobal təhlükəsizlik və Yaxın Şərq məsələsində belə idi. Ancaq Rusiya bu imtahanlardan çıxmadı. Və hesab edirəm ki, Obama yeni dönəmdə daha aktiv xarici siyasət yürüdəcək. Bunu həm ABŞ-ın dövlət maraqları, həm də ictimaiyyəti tələb edir. Cənubi Qafqazın gələcəyi artıq indidən qurulur. Gürcüstanda Azərbaycan, Gürcüstan və Ermənistanın siyasi liderlərinin iştirakı ilə keçirilən konfransları məhz bu kontekstdə dəyərləndirmək lazımdır. Demək ki, Qərb Cənubi Qafqazı Rusiyadan fərqli gələcəklə görmək istəyir və bu siyasi coğrafiyanı kimsəyə güzəştə getməyəcək. Bu regionun Qərb üçün bütün mənalarda strateji əhəmiyyəti artır. Bunun üstünə regionun İran və digər əhəmiyyətli ölkələrlə qonşu olmasını gəlsəniz, onda bu regionun ABŞ tərəfindən vazkeçilməz olduğu ortaya çıxar. Xəzər hövzəsində mövcud olan enerji daşıyıcıları da həmçinin”,-deyə politoloq bildirdi.

Elnur Eltürk