Naxçıvan Milli Təhlükəsizlik Nazirliyi məlumat yaydı -Tam mətn

Son günlər “Azadlıq” qəzeti və ona istinadən bəzi KIV-də Naxçıvan Muxtar Respublikası Milli Təhlükəsizlik Nazırliyi haqqında böhtan xarakterli,həqiqətəuyğun olmayan,ölkə ictimaiyyətini aldatmağa, siyasi dividentlər və maddi qazanc əldə etməyə hesablanmış məlumatlar yayılmaqdadır. Özlərinihüquq müdafiəçiləri kimi təqdim edən şəxslər guya hüquqlarını qorumağa «and içdikləri» bir insanı çirkin, heç bir əxlaq normalarına sığmayan şantaj aksiyasının iştirakçısına çevirmişlər. “Azadlıq” qəzetinin yaydığı məlumatlarda göstərilir ki, guya Naxçıvan MR MTN-nin əməkdaşı İbrahim Musayev adlı şəxs təqib olunduğu üçün xarici ölkələrin birinə qaçıb və Milli Təhlükəsizlik Nazirliyinin sifarişi əsasında mərhum Turac Zeynalovun həyat yoldaşı Gülnar Ağayevaya sui-qəsd hazırlanıbdır.

Bildirirk ki, “Azadlıq“ qəzeti vasitəsi ilə özünü Naxçıvan MR MTN-nin əməkdaşı kimi təqdim edən İbrahim Musayev heç vaxt təhlükəsizlik orqanlarının əməkdaşı olmamış, bu cür mənəviyyatsız insanın ümumiyyətlə MTN ilə hər hansı bir formada bağlılığı yoxdur.

“Azadlıq” qəzetində dərc edilmiş şər və böhtan xarakterli məlumatların “qəhrəmanı” barəsində aparılmış araşdırmalar zamanı müəyyən edilmişdir ki,MusayevİbrahimHəsən oğlu 21 noyabr 1992-ci il tarixdə Naxçıvan şəhərində anadan olub, Naxçıvan şəhəri Qoçüstü məhəlləsi bina 2, mənzil 45-də yaşayıb və orada qeydiyyatdadır.

Atası,Musayev Həsən Kamil oğlu əslən Babək rayonunun Nehrəm kəndindəndir, 15 il əvvəl ailəsini ataraq Rusiya Federasiyasının Yaroslavl şəhərinəköçmüş,Lena adlı qadınla ikinci dəfə ailə quraraq orada yaşayır.

İ.Musayev əvvəllər Naxçıvan şəhərindəki Heydər Əliyev adına Hərbi Liseydə təhsil almış, əxlaqi-mənəvi keyfiyyətlərinin aşağı olması səbəbindən lisey rəisinin 24 yanvar 2008-ci il tarixli 18 nömrəli əmri ilə liseydən qovulmuşdur. Sonradan təhsilini orta məktəblərdən birində davam etdirən İ.Musayev 2010-cu ildə Naxçıvan Dövlət Universitetinə daxil olmuşdur. Naxçıvan Dövlət Universitetinin İncəsənət fakültəsinin Təsviri incəsənət müəllimliyi ixtisasının əyani şöbəsində 2-ci kursadək təhsil almış, davamiyyəti pozması və intizamsızlığı səbəbindən 08 iyul 2012-ci il tarixdə 3/248 saylı əmrlə universitetdən xaric edilmişdir. Naxçıvan Dövlət Universitetinin 26 noyabr 2012-ci il tarixli məktubu əsasında Naxçıvan Muxtar Respublikası Səfərbərlik və Hərbi Xidmətə Çağırış üzrə Dövlət Xidmətinin Naxçıvan şəhər İdarəsi universitetdən xaric edilmiş İ.Musayevin hərbi xidmətə cəlb edilməsi üçün qeydiyyatda olduğu ünvana çağırış göndərmişdir. Lakin, çağırışa cavab olaraq Musayev Fərhad Həsən oğlu qardaşı İ.Musayevin ailədaxili münaqişələrə görə bir müddət onlardan ayrı yaşadığını, sonradan isə Rusiya Federasiyasına getdiyini bildirmişdir. SHXÇDX-nin Naxçıvan şəhər İdarəsi 03 dekabr 2012-ci il tarixli 2/318 və 2/320nömrəliməktubla İ.Musayevin tapılaraq hərbi xidmətə cəlb edilməsi üçün Naxçıvan şəhər Polis İdarəsi və Naxçıvan şəhər Prokurorluğuna müraciət etmişdir.

İ.Musayevi tanıyan şəxslər onu dələduz, şöhrətpərəst, mənəviyyatsız bir şəxs kimi xarakterizə etmişlər. Həmçinin məlum olmuşdur ki, İ.Musayev ətrafdakılara özünü dövlət orqanlarında yüksək vəzifədə işləyən şəxs kimi də təqdim etmişdir.

Belə ki, İ.Musayev qohumu olan xanımı aldadaraq onunla evlənəcəyinə vəd vermiş və həmin şəxsi “qaçırmışdır”. Lakin,həmin şəxsin ailəsi məsələyə müdaxilə etdikdən sonra, İ.Musayevin digər bir qohumu ilə də nikahdankənar münasibətlər saxladığıvənəticədə həmin qadının 2 aylıq hamilə olduğu ortaya çıxmışdır. Bu səbəbdən “qaçırılan” xanım valideynlərinə təhvil verilmiş vəI.Musayev hamilə qadınla evlənməli olmuşdur.

Onların toyları 05 iyun 2012-ci il tarixdə Naxçıvan şəhərində yerləşən “Xəyal” restoranında keçirilmiş, İ.Musayevin ləyaqətsiz hərəkətlərinə görə ailəsi və qohumları həmin toyda iştirak etməmişlər. Toy xərclərini ödəməyən İ.Musayev babası Həsənov Səyavuş Savalan oğluna məxsus Naxçıvan şəhəri Qoçüstü məhələsi bina 2 mənzil 45-in sənədlərinioğurlayaraq restoranınmüdiri Qasımov Əfqan Əli oğluna (mob.tel : 0706000084) vermiş, restoran müdirini aldatmış, özünün AR MTN-də yüksək vəzifədə işlədiyini bildirərək ona hədə-qorxu gəlmiş, 1500 manat məbləğində toy xərcini ödəməkdən yayınmışdır (toyun videokasetləri pul ödənilmədiyi üçün restoranda qalmışdır). O, həmçinin Naxçıvan şəhərində fəaliyyət göstərən “Ləzzət-qida” MMC-nin əməkdaşı Həsənov Əli Məhəmməd oğlunu (mob.tel : 0519455697) daaldadaraqtoyu üçün 586manat 40 qəpik məbləğində ərzaq məhsulları götürmüş, lakin pulunu ödəməmişdir. Naxçıvan şəhərində fəaliyyət göstərən“Gənclik”Ticarət mərkəzindəki qadın gözəllik salonunda işləyən Həsənova Fatma Həsən qızından (mob.tel : 0506331488) 1200 manat dəyərində gəlin paltarını 350 manata kirayə götürmüş, lakin kirayə haqqını ödəməmiş, gəlin paltarınıyararsızvəziyyətə saldığına görə salon sahibi 1200 manat ziyana düşmüşdür. İ.Musayev həmin paltarı götürərkən pulunu ödəyəcəyi vədi iləAB 591590 saylı sürücülük vəsiqəsini salonda girov qoymuşdur.

İ.Musayev Naxçıvan şəhərində yerləşən mobil telefon mağazası sahibi Hüseynov Vüsal Mətləb oğlunu (mob.tel : 0707446969) aldadaraq ondan 380 manat dəyərində mobil telefon almış, əvəzində isə AZE 06503214 saylı şəxsiyyət vəsiqəsini mağaza sahibinin etibarını qazanmaq məqsədi ilə ona vermişdir. İ.Musayev telefonun pulunu ödəməkdən yayınmış, mağaza sahibi pulunu tələb etdiyi vaxtlarda isə özünü Naxçıvan MR DİN-nin yüksək rütbəli əməkdaşı kimi təqdim edərək onu hədələmişdir.

İ.Musayev həmçinin Naxçıvan şəhərindəki «Cahan» Ticarət mərkəzində meyvə ticarəti ilə məşğul olan Afiq Bayramovdan (mob.tel : 0515123975) da 100 manat məbləğində meyvə alaraq pulunu ödəməmişdir.

Bundan başqa İ.Musayev ləyaqətsiz hərəkətlərinə etiraz edən babası, nənəsi və anasının birgə yaşadıqları mənzilə gələrək onları təhqir etmiş, dava-dalaş salaraq mənzildəki əşyaları sındırmışdır. Bu hadisə ilə bağlı İ.Musayevin babası Həsənov Səyavuş Savalan oğlupolis orqanlarına şikayət ərizəsi ilə müraciət etmişdir.

Müxalifət mətbuatında yeni bir Elşad Abdullayev obrazı yaratmağa çalışan şəxslərin nəzərinə çatdırırıq ki, İ.Musayev məhz törətdiyi əməllərə görə cinayət məsuliyyətinə cəlb olunacağından qorxduğu, həmçinin hərbi xidmətə çağırışdan boyun qaçırmaq və borclarını ödəməkdən yayınmaq üçün 02 sentyabr 2012-ci il tarixdə Heydər Əliyev adına Bakı Beynəlxalq Hava Limanından Bakı-Moskva təyyarə reysi ilə ölkəni tərk edərək Rusiya Federasiyasına getmişdir.

Culfa rayon Ərəzin kənd sakini Ağayeva Gülnar Yəhya qızı Naxçıvan Muxtar Respublikası Milli Təhlükəsizlik Nazirliyinə ərizə ilə müraciət edərəkbildirmişdir ki, mərhum həyat yoldaşı Turac Zeynalovun ölümü ilə əlaqədar Bakı şəhərində olarkəntelefonuna naməlum nömrədən zəng gəlmiş və özünü qeyri-hökumət təşkilatınınhüquqşünasıkimitəqdim edən şəxs ona hüquqlarının qorunmasında yaxından köməklik göstərmək istədiyini bildirmişdir. Həmin şəxs G.Ağayevanınetibarını qazanmaq və özünü imkanlı bir şəxs kimi göstərmək məqsədilə Dəmirbankın əməkdaşı olduğunu da demişdir. G.Ağayeva bu şəxsin sonradan əslində İbrahim Musayev olduğunu öyrənmişdir. İ.Musayev sonrakı müddətdə G.Ağayevaya Naxçıvan Muxtar Respublikasında fəaliyyət göstərən Demokratiyaya Dəstək və İnsan Hüquqları Resurs Mərkəzinin sədri Məlahət Nəsibova ilə birgə çalışdığını, sonuncunun xarici təşkilat və ölkələrdən külli miqdarda qrantlar aldığını bildirmiş, adıçəkilən QHT rəhbərinə köməklik etməklə Milli Təhlükəsizlik Nazirliyini birgə şantaj edib çoxlu pul qazanmaq, xarici səfirlik və nümayəndəliklərlə görüşlər keçirib, gələcəkdə Avropa ölkələrinin birində siyasi sığınacaq ala biləcəklərini vəd etmişdir. Lakin G.Ağayeva İ.Musayevin xoşniyyətli olmadığını anlamış və ondan uzaqlaşmışdır. Elə bu səbəbdən də İ.Musayev “məslək yoldaşları və havadarlarının”köməkliyiilə Naxçıvan Muxtar Respublikası Milli Təhlükəsizlik Nazirliyi və G.Ağayeva barədə şantaj, böhtan xarakterli, həqiqətəuyğun olmayan məlumatlar yaymağa başlamışdır.

Həmçinin G.Ağayevanın bildirdiyinə görə özünü “Azadlıq” qəzetinin redaktoru kimi təqdim edən Yafəz Həsənov bir-neçə dəfə onun mobil nömrəsinə zəng edərək İbrahim Musayevin dediklərini təsdiqləməsi üçün onaşirnikləndirici vədlər vermiş, onlarlaəməkdaşlıqetməyə razı salmağa çalışmışdır. Lakin, Y.Həsənov G.Ağayeva tərəfindən rədd cavabı aldıqdan sonra sonuncunun telefonuna boş SMS-lər göndərməklə onu narahat etməyə başlamışdır.

05 dekabr 2012-ci il tarixdə Məlahət Nəsibova “Azadlıq” qəzetinə müsahibəsində bildirmişdir ki, qızı ali məktəbə hazırlaşarkən repetitor yanına getmiş, guya bir müddət sonra müəllimlər təzyiqlər nəticəsində onun qızı ilə məşğul olmaqdan imtina etmişlər. Sonra isə M.Nəsibova guya qızını özü hazırlaşdırdığından yüksək balla ali məktəbə qəbul olduğunu vurğulamışdır. Onun bu iddasına cavab olaraq bildiririk ki, natamam orta təhsilli M.Nəsibovanın bu iddiaları absurddur. Belə “yüksək savadı” olan M.Nəsibova görəsən indiyədək nə üçün özü ali təhsil ala bilməmişdir.

Naxçıvanda fəaliyyət göstərən, heç bir ali təhsili olmayan, üzdəniraq hüquq müdafiəçilərinin daim gündəmdə qalmaq, siyasi dividentlər əldə etmək üçünucuz şoular yaradaraq dövlət orqanları barədə yalan və böhtan xarakterli məlumatlar yaymaları respublika ictimaiyyətinə çoxdan bəllidir. İctimaiyyət nümayəndələri tərəfindən onların yaramaz hərəkətləri daim qınaq obyekti olmuş, bu gün də olmaqdadır.

Ölkəmizdəki demokratiya və söz azadlığından sui-istifadə etməyi özlərinə ar bilməyən belə ünsürlər maraqlı qüvvələrin sifarişilə cəmiyyətdə dövlət orqanlarına qarşı nifrət yaratmağa və vətəndaşların dövlətimizə olan etimadının zəiflədilməsinə çalışırlar. Lakin, şübhə yoxdur ki, xalq sabaha inamla baxır və bu inamın reallaşması üçün ölkənin daxilində, eləcə də xaricində olan heç bir qüvvənin öz məkrli niyyətini həyata keçirməsinə imkan verilməyəcəkdir.