Peşmərgə Türkiyədə, kürdlər isə nankorluq etdi

İraqdan Suriyaya göndərilən 150 Peşmərgə silahlısı bu gecə Türkiyə ərazisinə daxil olub.

Vətəninfo.az xəbər verir ki, təyyarə ilə gələn 84 peşmərgə Türkiyə vaxtilə gecə saat 01:10 radələrində Şanlıurfa hava limanına enib. Avtomillə gələn qrup isə səhər saat 05:45-də Habur sərhəd keçid məntəqəsindən Türkiyə ərazisinə daxil olub. Qruplar bu gün axşam saatlarında Suruçda birləşərək Kobaniyə daxil olacağı bildirilir.

Habur sərhəd keçid məntəqəsində Peşmərgəni qarşılayan kürdlərlə polis arasında xırda qarşıdurmalar olub. Türkiyə hökumətinin etdiklərinin müqabilində kürdlər hərbi eşalonun keçməsi üçün yolu açmaq istəyən Türk polisnə daş atıblar. Polislərdən xəsart alan olmasa da,  sərhəd keçid məntəqəsini şüşələri sındırılıb.