Müğənni mətbuata açıqlamasında qeyd edib ki, onun Tural adlı qardaşı yoxdur: "Bu yalan xəbərdir, mənim Tural adlı qardaşım yoxdur. Mənim atam dünyasını dəyişib, onun ruhunu narahat etməyin. Belə yalan xəbərləri kimin çıxardığını bilmirəm. Əgər kimsə belə yalan xəbəri bilərəkdən çıxarırıb ailəmi narahat etmək istəyirsə, haqqımı ona halal etmirəm. Başım sənətimə qarışıb, sakitliyimdən istifadə edirlər. Belə şayiə yayanlara ayıb olsun”.

Qeyd edək ki, Lent.az saytının yaydığı məlumata görə, Bərdə rayonun Alaçadırlı kəndində 1990-cı il təvəllüdlü Allahverdiyev Tural Vidadi oğlu tanışı, 24 yaşlı Məkan İsmayılovu bıçaqlayaraq qətlə yetirib. Qətl törədən T. Allahverdiyevin bir müddət əvvəl vəfat etmiş tanınmış müğənni Vidadi Bərdəlinin oğlu olduğu bildirilir.