"İstənilən vaxt Azərbaycan Qarabağı bir gündə azad edər"

"Qarabağ könlümüzün bir acısıdır. Çox təəssüf ki, Ermənistan işğal etdiyi torpaqlardan çıxmaq istəmir".

Bu sözləri  İraq parlamentinin təqaüdçü millət vəkili, Türkman Ədəbiyyatçı və Yazarlar Biliyinin sədri Esat Erbil söylədi.

"İstənilən vaxt Azərbaycan Qarabağı bir gündə azad edər və bütün işğalçıları öz torpaqlarından çıxardar. Məncə, burada beynəlxalq güclərin böyük təsiri var. Bununla yanaşı, rəsmi Bakının yürütdüyü diplomatiya çox düzgündür və Azərbaycanın bölgədə mövqeləri artmaqdadır. Ermənistan isə səfalət içindı yaşamaqdadır.

Onu qeyd edim ki, sabah Qarabağda müharibə başlayacağı təqdirdə, türkmanlar öz qardaşlarının yanında olacaqlar. Onlar türk torpağı olan Qarabağın azadlığı uğrunda öz canlarından keçməyə belə hazırdırlar", - deyə Esat Erbil qeyd etdi. 

Elnur Eltürk