"Mənim xəstəliyim elədir ki, uzunmüddətli müalicə almalıyam"

Ramiz Əzizbəyli səhhəti ilə bağlı yayılan məlumatlara aydınlıq gətirib

Azərbaycanın xalq artisti, aktyor və rejissor Ramiz Əzizbəylinin səhhəti normaldır.
Vətəninfo.az-ın məlumatına görə, xalq artisti "Report"a açıqlamasında deyib ki, özünü yaxşı hiss edir və müalicəsini davam etdirir: "Şükür Allaha yaxşıyam. Bu gün xəbər yayılıb ki, vəziyyətim ağırdır. Amma əvvəlki vaxtlarla müqayisədə indi babatam. Evdə müalicə olunuram. Mənim xəstəliyim elədir ki, uzunmüddətli müalicə almalıyam. Ona görə də, hərdən yaxşı oluram, hərdən pis. Hamı bilsin ki, hazırda yaxşıyam. İnsanlar mənə görə narahat olurlar".
R.Əzizbəyli onu axtaran, durumu ilə maraqlanan hər kəsə minnətdarlığını bildirib.