"Mirşahin Azərbaycan televizyasında bir ləkədir"

ANS telekanalının vitse-prezidenti Mirşahin Ağayev rüşvət almaqda ittiham edilən Gülər Əhmədova ilə video-reportaj hazırlayıb. Video görüntü də Mirşahin bəy açıq-aşkar Gülər xanımı müdafiə edərək bildirir ki, nə yaxşı qadın bir deputat, millət vəkili olmaq istəyən şəxsə pulla bağlı güzəştə getmədi. Əks halda gizli kamera ilə insanları lentə alan və rüşvətxor bir deputatımız olacaqdı. Mirşahin Ağayevin fikirləri ilə bağlı FaktXeber.com-a açıqlama verən İnsan Haqları Uğrunda İctimai Birliyinin Eynulla Fətullayev maraqlı fikirlər səsləndirdi. Eynulla bəy qeyd etdi ki, Mirşahin Ağayev Azərbaycan cəmiyyətinə və xalqına məlum olan bir simadır: “ Daha doğrusu onun simasız və prinsipsiz jurnalist olduğunu hamı bilir. Bu adamın hər hansı bir dəyəri və prinsipləri yoxdur. O, hər hansı sifariş əsasında hərəkət edən jurnalistdir. Mirşahin Ağayev Azərbaycan televiziyasında olan bir ləkədir. Hesab edirəm ki, Mirşahin Ağayevin fikirlərinə o qədər də önəm vermək lazım deyil.”

Mirşahin Ağayevin bağlanmış bir mövzu olduğunu bildirən müsahib, “6-7 il bundan qabaq onunla bağlı hansısa təəssüf hissləri keçirmək olardı. Lakin hazırda hər hansı bir təəssüf hissinə də yer qalmayıb”, - deyə bildirdi.