"Xural"la bağlı höküm çıxaran hakimin həyat yoldaşı həbs olundu

“Xural” qəzetinin əmlakının müsadirə olunması ilə bağlı qərar verən Nərimanov rayon məhkəməsinin hakimi Sevinc Quliyevanın halal əri Kənan Quliyev həbs olunub. “Vətəninfo.az”ın məlumatına görə, bu xəbəri “facebook” sosial şəbəkəsində bir neçə gün əvvəl Müsavat Partiyasından istefa vermiş gənc şair Elnur Astanbəyli deyib:

“Əvəzin cəddi!

Azad sözün cəddi!

Buyurun:

Gülərin ardınca indi də "Xural"ın əmlakını sifarişli hökmlə müsadirə edən hakimin həyat yoldaşı həbs olunub”

Qeyd edək ki, faktı dəqiqləşdirmək üçün Daxili İşlər Nazirliyi ilə əlaqə saxladıq. Nazirliyin mətbuat xidmətinin şöbə rəisi Orxan Mansurzadə bildirdi ki, bununla bağlı Nazirliyin rəsmi saytına baxmaq lazımdır.