Rafiq Əliyev əfv ərizəsi yazdı

Bu məlumatı  “Vətəninfo.az” "gündəminfo.az"a istinadən xəbər verir.

May ayının 10-da Azərbaycanda əfv fərmanı imzalana bilər. Bu barədə verilən xəbərdə deyilir ki, o qədər də geniş siyahıdan ibarət olmasa da, Prezident yanında Əfv Komissiyasına edilmiş müraciətlərə əsasən fərmanın imzalacağı planlaşdırılır.

Bu əfv fərmanına isə yalnız ərizə yazanların düşəcəyi deyilir. Saytımıza danışan hökumət yetkilisi deyir ki, hətta «2 aprel məhbsuları»ndan da əfv olunmaq üçün müraciət edənlər var.

Əfv komissiyasına müraciət etmiş tanınmış məhbsulardan isə «Azpetrol» Şirkətlər Qrupunun sabiq prezidenti Rafiq Əliyevin ərizə yazdığı dəqiqləşib. Məlumatlara əsasən R.Əliyevin qardaşı, sabiq iqtisadi-ikniaşf naziri Fərhad Əliyev əfv ərizəsini sadəcə olaraq qardaşının azadlığa çıxması üçün yazmayıb. İlkin informasiyada sabiq nazirə təklif edilib ki, budəfəki əfv fərmanı ilə Əliyev qardaşlarından yalnız biri azadlığa çıxa bilər.

Qeyd edək ki, mayın 10-da Azərbaycanda həm «Gül bayramı» keçirilir, həm də mərhum prezident Heydər Əliyevin ad günü keçirilir.

Bir neçə dəfə bu təqvimdə məhbusların azad edilməsi baş verib. Sonuncu dəfə isə Heydər Əliyev Fondunun prezidenti , millət vəkili Mehriban Əliyeva, parlamentə «Amnistiya aktı» təqdim edib və xeyli sayda məhbuslar məhz bu akta uyğun olaraq bağışalanaraq azadlığa buraxılıb.