Rəsul Quliyevin blokuna “bomba” düşdü

Əhməd Oruc: “Problemlər əsasən proseslərə baxışlar ətrafında yaranan fərqli fikirlərlə bağlıdır”

Demokratik Cəmiyyət Uğrunda Müqavimət Hərəkatının daxilində bir sıra problemlər var. Bu barədə açıqlama verən hərəkatın üzvü, Azadlıq Partiyasının sədri Əhməd Oruc bildirib ki, problemlər əsasən partiyaların fəaliyyətinin əlaqələndirilməsi, proseslərə baxışlar ətrafında yaranan fərqli fikirlərlə bağlıdır: 

Onun sözlərinə görə, həmçinin 2013-cü ilin prezident seçkilərinə qədər olan müddət ərzində hansı işlərin görülməsi, resursların uzlaşdırılması ilə əlaqədar olan məsələlərdə bir sıra problemlər var: “Açığını deyim ki, Demokratik Cəmiyyət Uğrunda Müqavimət Hərəkatındakı fəaliyyətlər mənim istədiyim qədər aktiv deyil”.

Ə.Oruc deyib ki, hazırda gündəmi kütləvi aksiyalar tutduğu üçün 2013-cü ilə hesablanmış seçki qanununda dəyişikliklər, konkret olaraq seçki bloklarının və normal siyasi mühitin yaradılması istiqamətində işlər arxa plana keçib.

Rövşən ZİYA