Miq.Az xəbər verir ki, Rusiyanın Xarkov şəhərində hava hücumunda dinc sakinlər yaralanıb və həyatlarını itirib.

Paytaxt Kiyev də daxil olmaqla, ölkənin hər yerindən partlayış səsləri eşidilməyə başlayıb.

BBC və CNN-nin məlumatına görə, Ukraynanın digər bölgələrində də partlayışlar barədə xəbərlər gəlməyə başlayıb.

BBC-nin müxbirləri Kiyevdə və Donetsk vilayətlərində güclü partlayışlar eşitdiklərini təsdiqləyiblər. Bununla yanaşı, sosial şəbəkələrdə həmçinin şimal-şərqdə Xarkov, cənubda Odessa və şərqdə Donetskdə partlayışların baş verməsi barədə xəbərlər var.

Ukrayna rəsmiləri Rusiyanın işğal əməliyyatının başladığını və partlayışların raket hücumları nəticəsində baş verdiyini açıqlayıb.

Putinin Donbasda xüsusi hərbi əməliyyat qərarından və Kiyevdə partlayış səslərindən sonra paytaxt sakinlərinin bir hissəsi şəhəri tərk etməyə başlayıb.

Bu arada Rusiyanın Ukraynaya hücumundan sonra bölgədən ilk görüntülər gəlməyə başlayıb. Ukraynanın Mariupol şəhərində yaşayış məntəqələri artilleriyadan atəşə tutulub, çox sayda ev vurulub.