Rusiya federal təhlükəsizlik xidmətinə yaxın mənbələrdən şok etiraf

Ermənistanda qeydə alınmış “Üçüncü qüvvə+” (Third Power) qəzetinin redaktoru Vaqram Aqacanyanın Dağlıq Qarabağdak işğal rejimi tərəfindən həbsdə saxlanması ailəsinin beynəlxalq ictimaiyyətə müraciət etməsinə səbəb olub.
Vətəninfo.az ANS PRESS-ə istinadən xəbər verir ki, Aqacanyan ailəsinin müraciətində bildirilir ki, Xankəndidəki işğal rejimi jurnalistə Moskvanın göstərişi həbs edib. Həmçinin qəzetin Rusiyada yayılması da qadağan edilib. Ailə üzvlərinin dediyinə görə, Rusiya federal təhlükəsizlik xidmətinə yaxın mənbələr bildirib ki, rus qurumları Aqacanyanın qəzetindəki materialların erməni və Qarabağ gerçəklərinə uyğun gəlmir. Ailə bu fikirdədir ki, Moskva Qarabağda fəaliyyət göstərən erməni jurnalistlər üçün "qara siyahı" hazırlayır.
Aqacanyan öz qəzetində işğal zonasında yaşayan 30 kəndli ailəsinin problemindən yazıb. İşğal rejimi isə zonada belə adamların yaşamadığını iddia edir. Aqacanyan indiyə kimi 3 dəfə həbsdə olub və 4-cü dəfə 2011-ci ildə tutulub. İndiyə kimi həbsdə saxlanır. Mütəmadi olaraq ona işgəncə verilir.
Aqacanyanın başına gətirilən oyunlar erməni jurnalistləri Qarabağı tərk etməyə məcbur edib. Artıq heç bir erməni junalist işğal zonasında baş verən qanunsuzluqlardan yazmağa risk etmir.