"Rusiya Ermənistana kömək etməyə borcludur, amma Dağlıq Qarabağa yox". İstiPress-in erməni mətbuatına istinadla verdiyi məlumata görə, bunu rusiyalı politoloq Aleksandr Skakov deyib.

Onun sözlərinə görə, Moskva-Bakı, eləcə də Moskva-İrəvan arasında münasibətlər eyni deyil, onlar fərqlidir.

"Moskva üçün İrəvan partnyor deyil, müttəfiqdir. Azərbaycan isə Rusiyanın tərəfdaşıdır - partnyorudur. Biz hərbi cəhətdən partnyorlarımıza kömək etməməliyik, amma müttəfiqlərimizi qorumalıyıq. Tez-tez bizi Dağlıq Qarabağı tanımamaqda qınayırlar, amma onu heç Ermənistanın özü də tanımır".