"Dağlıq Qarabağ münaqişəsinin tənzimlənməsi ilə bağlı müvafiq formatlar mövcuddur".

Bunu Rusiya XİN-in rəsmi nümayəndəsi Mariya Zaxarova Krımda keçirdiyi brifinqdə deyib.

O, "Türkiyə ilə Rusiyanın yaxınlaşmanın Qarabağ münaqişəsinin həllinə necə təsir edəcək?" sualına belə cavab verib: "Dağlıq Qarabağ münaqişəsinin tənzimlənməsi ilə bağlı müvafiq formatlar - Minsk qrupu, bizim Ermənistan və Azərbaycanla birbaşa dialoqumuz, Rusiya prezidentinin hər iki ölkə prezidentləri ilə keçirdiyi yüksək səviyyəli görüşlər mövcuddur", - deyə Zaxarova vurğulayıb.

Mariya Zaxarova keçirdiyi brifinqdə Rusiyanın Xarici İşlər naziri Sergey Lavrovun iyulun 11-12-də Azərbaycana işgüzar səfərə gələcəyini də qeyd edib. /Anspress.com/