Səbri Təbrizini Güney Azərbaycanda heç kim tanımır

Güney azərbaycanlı yazar Sayman Aruz “Vətəninfo.az”a  zəng vuraraq saytımızda onunla bağlı gedən məlumata etirazını bildirdi. Yazar diqqətə çatdırdı ki, həmin məlumatda onun haqqında deyilənlərin əsası yoxdur: “Azərbaycan Yazıçılar Birliyində Güney Azərbaycan Şöbəsi 3 ildir ki, yaradılıb. 7 aydır ki ofislə təmin olunub. Həmin şöbənin müdiri də mənəm. Həmin ofisin məndən başqa rəsmi olaraq 1 xanım əməkdaşı da var”. Yazıda göstərildiyi kimi  “Güney Azərbaycan Öyrənci Hərakatı”nın internet saytına açıqlama vermədiyini deyən S.Aruz diqqətə çatdırdı ki, Modern.az saytının ondan aldığı müsahibə “Öyrənci” də yerləşdirilib: “`Heç kimin başqasını dırnaqarası şair kimi qələmə verməsi düzgün deyil. Dırnaqarası şairin kitabları çap olunarmı? Əksinə Səbri Təbrizi özü dırnaqarası professordur. O, professor yox, doktordur. “Güney Azərbaycan Fondu”nun təsisçisi mənəm.Təbrizinin bura heç bir dəxli yoxdur. Ümumiyyətlə Qulamrza Səbri Təbrizi heç bir qurumun rəhəri deyil. Bu informasiyanı verənlər Cənubi Azərbaycanın düşmənləridir. Qulamrza Səbri Təbrizi adında adamı Güney Azərbaycanda heç kim tanımır. Onun siyasətçi, ədəbiyyatçı olması hələ bəlli deyil”.

Əli