Sərdar Cəlaloğlu: «Müxalifət bir araya gələ bilər»

Prezident seçkiləri yaxınlaşdıqca vahid namizəd məsələsi yenidən aktual mövzuya çevrilir və mətbuatda müzakirrə olunur. Amma bu məsələ ilə bağlı fikirlər birmənalı denyil və daha çox nikbin olmayan mülahizələr yer alır. Bir çox siyasilər bildirirlər ki, müxalifətin vahid namizədlə seçkiyə gedəcəyi mümkün deyil. Xüsusən Müsavat başqanı İsa Qəmbərin namizəd istəyi ilə bağlı açıqlamasından sonra Azərbaycan Xalq Cəbhəsi Partiyasının (AXCP) sədri Əli Kərimlinin də namizəd olcağını dilə gəğtirməsi bunu deməyə əsas verir. 

Azərbaycan Demokrat Partiyasının (ADP) sədri Sərdar Cəlaloğlu «Vətəninfo.az»a açıqlamasında bildirdi ki, ümumiyyətlə parçalanmalara qarşı çıxmaq lazımdır: «Gərək biz, bu tipli məsələlərin üzərinə getməyəl, onu təbliğ etməyək. Əslinə baxsaq, hələlik bu məsələlərlə bağlı tələsmək də lazım deyil. Ola bilsin ki, seçki yaxınlaşdıqca müxalifət bir aray gəlsin. Amma hər halda dezinteqrasiya meylləri müxalifətdə çoxdur. Bu da yanlış və arzuolunmazdır». İctimai Palataya gəlincə isə ADP sədri diqqətə çatdırdı ki, bu qurum seçkilərdə iştirak edə bilməz: «Ona görə də ictimai palatanı bu prosesdən kənarda saxlamaq lazımdır. Amma nədənsə çalışırlar ki, bu qurumu süni surətdə siyasi proseslərə qoşsunlar. Bu da orada toplaşan ictmiai təşkitlatların maraqlarına uyğun deyil»

Firudin