Sergey Lavrovdan Məmmədyarova məktub var

“Vətəninfo.az”ın Rusiya Federasiyasının Xarici İşlər Nazirliyinin rəsmi saytında istinadən verdiyi məlumata görə, Rusiya Xarici siyasət idarəsinin rəhbəri Sergey Lavrov Azərbaycanın Xarici İşlər Naziri Elmar Məmmədyarova iki ölkə arasında diplomatik münasibətlər yaradılmasının 20 illiyi münasibətilə təbrik məktubu göndərib. Təbrik məktubunda deyilir ki, ölkələrimiz və xalqlarımız üçün əlamətdar tarix - RF ilə Azərbaycan Respublikası arasında diplomatik münasibətlər yaradılmasının 20 illik münasibətilə səmimi təbriklərimi qəbul edin. “Tarixən qısa müddət ərzində bizim əməkdaşlığımızın təməlini möhkəmlətmək və ikitərəfli münasibətlərin dərin məzmun kəsb etməsi üçün birlikdə böyük iş görülmüşük. Bu işin uğurlu olması hər iki ölkənin liderlərinin dövləti müdrikliyi və adi vətəndaşların səyləri sayəsində təmin edilir”-deyən Sergey Lavrov  əlavə edib ki, bu gün Rusiya və Azərbaycan siyasi, sosial-iqtisadi, humanitar və digər sahələrdə məzmunlu dialoq aparan, regional və beynəlxalq formatlarda uğurlu qarşılıqlı fəaliyyət göstərən strateji tərəfdaşlardır. “Bu genişmiqyaslı tərəfdaşlıq Xəzərdə və Cənubi Qafqazda sabitliyin, sülhün və təhlükəsizliyin mühüm amilinə çevrilib”.