Sərhəd cinayətləri ilə bağlı konfrans keçiriləcək

Bakıda  “Sərhəd cinayətləri ilə mübarizə: insan alveri və narkotik vasitələrin dövriyyəsi” mövzusunda konfrans keçiriləcəkdir.”Vətəninfo”nun məlumatına görə, seminarda bu növ cinayətlərlə mübarizə sahəsində ən mütərəqqi beynəlxalq təcrübəyə dair məlumatlar təqdim olunacaq və regionda əməkdaşlığın inkişafına dair fikir mübadiləsi aparılacaq.Tədbirdə proqramın ölkə üzrə rəhbəri Məzahir Əfəndiyev, aidiyyəti dövlət qurumlarının (XİN, DİN, DGK, DSX, DMX) mütəxəssisləri ilə yanaşı, İCMPD-nin (Beynəlxalq Miqrasiya Siyasətinin İnkişaf Mərkəzi) Çexiyadan olan ekspertləri və Gürcüstan Respublikasının müvafiq (Sərhəd və Patrul Polisi, Maliyyə Xidməti) qurumlarının əməkdaşları iştirak edəcəklər.Sonda seminar iştirakçılarına sertifikatlar təqdim olunacaq. Avropa İttifaqı tərəfindən maliyyələşən və BMT-nin İnkişaf Proqramı tərəfindən maliyyələşən “Cənubi Qafqaz Ölkələrində İnteqrə Edilmiş Sərhəd İdarəçiliyi Sistemlərinə Dəstək” layihəsinin əsas məqsədi sərhəd idarəçiliyinin təkmilləşdirilməsinə yönəlib. Bu layihə İCMPD ilə birgə Avropa İttifaqına üzv 6 dövlətin sərhəd xidmətləri ilə əməkdaşlıq çərçivəsində birgə həyata keçirilir ki, bunlar da Çexiya Respublikası, Estoniya, Latviya, Litva, Fransa və Polşadır.

Əli