Şeyxin qudası: ““Milyarderlər İttifaqı” nə işlə məşğul olduğunu özü belə bilmir”

Bəzi mətbuat orqanlarında Qafqaz Müsəlmanları İdarəsinin rəhbəri Şeyxülislam Hacı Allahşükür Paşazadənin Rusiyada bir qrup azərbaycanlı milyarderin yaratdığı və şərti adını “Milyarderlər İttifaqı” qoyduğu təşkilata dəstək verməsi haqqında informasiyalar yayılır. Informasiyada qeyd olunur ki, Şeyx bu yolla ölkədə təsir imkanlarını artırmağa çalışır.

Qaynar.info-ya açıqlamasında Milli Məclisin deputatı, Şeyxin qudası Qalib Salahzadə bildirdi ki, yayılan məlumatlar həqiqəti əks etdirmir: “Milyarderlər İttifaqı” Şeyxin nəyinə lazımdır? Şeyx bütün dünyada tanınmış adamdır, oun hər hansı təşkilat yaramaq arzusu da yoxdur. Bu sadəcə boş söhbətlərdir. Şəxsən mənim subyektiv fikrim ondan ibarətdir ki, “Milyarderlər İttifaqı” nə işlə məşğul olduğunu özü belə bilmir. İndiki məqamda belə bir qurumun yaradılması zərurəti ortada yox idi. Mən onların fəaliyyətini qətiyyən dəstəkləmirəm”.