Siyasi partiyalarda sosial sığortalı işçi yoxdu

Səbəb isə birdir-maliyyənin olmaması

Bu gün  ölkədə fəaliyyət göstərən siyasi partiyalarda çalışan  insanların sosial sığortasının necə həyata keçrilməsi ilə əlaqədar  “Vətəninfo.az” olaraq kiçik bir araşdırma apardıq. Bəlli oldu ki, bu gün ölkədəki mövcud partiyalarda vəziyyət bir o qədər də ürəkaçan deyil. Elə bunu araşdırma zamanı partiya rəsmiləridə təsdiqlədilər.
Azərbaycan Demokratik Partiyasının sədri Sərdar Cəlaloğlu “Vətəninfo.az”-a bununla bağlı   bildirdi ki,  ADP-da  əmək haqqı ilə işləyən yoxdur ve onlar da ölkədəki yüz min işsiz insanlardan  sayılırlar. Onun sözlərinə görə, bu gün Demokrat Partiyasının aparatında çalışanlar hər hansı bir əməkhaqqı  almırlar.
   Ümid Partiyasından  təşkilatı məsələlər üzrə müavin Ənvər Ağazadə isə bildirdi ki, Ümid Partiyasında işləyən insanların çox az qismi əməkhaqqı alır işçilərin əksəriyyəti içtimai əsaslarla çalışırlar:
“ Buna baxmayaraq partiya üzvülərinin çoxu başqa sahələrdə işləyir və bu sahə üzrə təqaüdə çıxa bilərlər”.
 Qeyd edək ki dövlət tərəfindən partiyalara ayrılacaq vəsaitin  bu vəsitdən yararlanacaq partiyalarda çalışan şəxslərin sosial-məişət problemlərini aradan qaldırılmasına və eyni zamanda onların sosial sığortasının ödənilməsinə necə təsir edəcəyi haqqında isə,  əlaqə saxladığımız siyasi inistitutların rəsmiləri hər hansı bir açıqlama vermədilər.

Qafqaz Rafiqoğlu

“Vətəninfo.az”