“Sürət Hüseynov qəhrəman deyil”

“Bəzilərinə o dövrün abu-havasına, kiməsə, nəyəsə görə “Milli Qəhrəman” statusu verilib”. Bunu AzNews.az-a açıqlamasında Böyük Qurtuluş Partiyasının (BQP) sədri, millət vəkili Fazil Mustafa deyib.

O qeyd edib ki, həmin dövrdə bir neçə nəfərə qəhrəmanlıq adı verilib: “Bunların içində həqiqi qəhrəman olanlar da var, olmayanlar da. Sürət Hüseynova da o vaxtı qəhrəmanlıq siyasi məqsədlərə görə verilib. Xüsusi bir əmələ görə verilməyib. Cinayət törədib, ona görə də bu ad ondan geri alınıb. Amma əsas motiv o olmalıdır ki, bu ad ona nəyə görə verilib? Hesab edirəm ki, Sürət Hüseynov heç bir şücaət göstərməyib, ciddi işgüzarlıq nümayiş etdirməyib”.

Millət vəkili hesab edir ki, indiki halda Sürət Hüseynovun “Milli Qəhraman” statusunun geri qaytarılmasına inanmır”.