"Düşmən tərəfi taxıl daşıyan "ZİL" markalı yük avtomobili kəndə yaxınlaşan zaman mərmi atıb. Tərtər rayonu Yuxarı Qaradağlı kənd sakini Qarayev Feyruz Süleyman oğlunun idarə etdiyi "ZİL" markalı maşından  15 metr kənara düşən mərmi nəticəsində xəsarət alan olmayıb".

"Düşmənlə təmas xəttində bir neçə yüz metrlikdə yaşayan Tərtərin Qapanlı kəndində, min bir zəhmətlə yetişdirdiyi məhsulu yığıb daşıyarkən artilleriya silahlarından atəşə tutulur. Məhz kəndimizin cəsur, döyüşkən, zəhmətkeş, qorxmaz camaatının şücaəti sayəsində bu hadisələrin yaratdığı təhlükə xof hər dəfə mərdliklə dəf edilir və  həyat tərzi normallaşaraq öz axarına dönür! 3 il olar, 5 il, 10 il olar lap 20 il olar?! 30 ildi bu fədakar əhali mərdliklə buna dözür!

Artıq bu çox oldu! Tələbimiz də ondan ibarətdir ki, əhalinin təhlükəsizliyinin təmin edilməsi üçün düşmənin atəş nöqtələrinə zərbə endirərək heç olmasa cəbhə məsafəsini uzadılması üçün bir tədbir görsünlər!