“TRT 6” “TRT Kürdi”-oldu

Türkiyədə ilk sırf kürd televiziya kanalı olan “TRT 6”nın adı dəyişdirilib.

Vətəninfo.az-ın məlumatına görə, altı yaşını qeyd edən “TRT 6” televiziyası yeni ildə yeni adı ilə izləyicilərini sevindirib.

Kanalın ad günündə çıxış edən TRT-nin Baş direktoru Şenol Göka gözlənilməz açıqlama verib. O bildirib ki, bundan sonra “TRT 6” televiziyası “TRT Kürdi” adı altında yayımlanacaq.

“TRT 6” TV-nin rəsmi “Twitter” səhifəsindən verilən açıqlamada ad dəyişikliyi həm türkcə, həm də kürdcə izləyicilərin nəzərinə çatdırılıb.

Qeyd edək ki, sözügedən telekanal 2009-cu ildə fəaliyyətə başlayıb. Məqsəd isə Danimarkadan yayımlanan özəl “ROJ-TV” kürd kanalının təsirini azaltmaq idi.