«Üçbucaq» - yarımçıqlıqlar barədə bir romandır. Get-gedə havası, suyu, çörəyi, yuxusu, düşüncəsi yarımçıqlaşdıqca qəhrəmanların xarakteri, mənəviyyatı, insanlığı da bu basqını hiss etməkdədir. Onlar üçün bütöv ola bilməmək faciəsini özləri ilə daşımaq çox ağrılı və ağırdır.

Romanda Şuşanın işğalı, bu işğalın cənnətməkan diyarın keçmiş sakinlərinin həyatına çəkdiyi çalın-çarpaz dağın heç vaxt çəkilməyəcək izləri də var. Eləcə də əzəli və əbədi sevgi də var. Ruhu cisimdən çəkib qopararaq hüdudsuzluğa aparan, cismi də cızdağı çıxa-çıxa yandırıb kül edən bir sevgi!