Xanlar Vəliyevin səlahiyyət müddəti artırıldı

Mətbuatda respublika baş prokurorunun müavini, Azərbaycan Respublikasının Hərbi prokuroru Xanlar Vəliyevin hərbi prokuror kimi ölkə prezidenti tərəfindən rəsmən təsdiqlənməməsi barədə məlumat verilib.

Vətəninfo.az-a Hərbi Prokurorluğun mətbuat katibi Əfrahim Təhməzov bildirib ki, prezident İlham Əliyevin 2 gün əvvəl imzaladığı sərəncamla respublikanın hərbi prokuroru Xanlar Vəliyevin səlahiyyət müddəti növbəti 5 il müddətinə uzadılıb. Hazırda Xanlar Vəliyev prezidentin sərəncamına əsasən səlahiyyətlərinin icrasını həyata keçirir.

Onu da xatırladaq ki, bir çox mətbuat orqanları bu günlərdə Xanlar Vəliyevin səlahiyyət müddətinin bitdiyini və yenidən bu müddətin artırılmayacağını bildirmişdilər.