Xorvatiyada ilk qadın prezident seçilib

Müxalifət lideri Kolinda Grabar-Kitarovic ilk dəfə Xorvatiyanın qadın prezident seçilib.

Səslərin 50.5 faizini toplayan xanım hazırki prezident Ivo Josipovici azca fərqlə geridə qoyub.

Cənab Josipovic məğlubiyyəti qəbul edib və rəqibini təbrik edib.

Yeni prezidentin seçilməsi ilə Xorvatiyada siyasət altı illik mərkəzi-solçuluqdan sağçılığa tərəf yönələ bilər.

Xanım Grabar-Kitarovic konservativ Xorvatiya Demokratik Birliyinin üzvüdür və 1991-ci ildə keçmiş Yuqoslaviyadan müstəqil olmağa səsverənlərdəndir.

46 yaşlı prezident bundan əvvəl, xarici işlər naziri, eləcə də NATO baş katibinin assistenti olub.

"Heç kimə Xorvatiyanın dövlətli və rifah içində olmayacağını deməyə imkan verməyəcəyəm", o, paytaxt Zagrebdə tərəfdarlarına söyləyib.

57 yaşlı cənab Josipovic, 2010-cu ildən prezident idi.