Hansısa qayda pozuntusuna görə sürücünü saxlatmaq istəyən yol polisi özü böyük bir təhlükə yaradıb. İki hərəkət istiqaməti olan yolda sürət həddini aşan patrul maşını az qalsın ki, faciəvi qəzaya səbəb olacaqdı.

Miq.az xezerxeber.com-a istinadən bildirir ki, görüntülər Salyan rayonbu ərazisində sürücülərdən biri tərəfindən çəkilib. Videodan da aydın olur ki, ''99-YP- 928'' dövlət nömrə nişanlı patrul avtomobili sürətlə hərəkət edərək ağ rəngli avtomobili saxlatdırmağa çalışır. yol polisisayrışan işıqları belə yandırmadan təqibə başlayır.Onun təqib etdiyi avtomobilin sürücüsü hərəkəti davam etdirir. patrul avtomobili onu kənara sıxıb saxlamağa məcbur edir.

Bu zaman patrul avtomobilinin yolun ortasında qəfil əyləci basması arxadan gələn avtomobillərin sürücüləri üçün çətin anlar yaşadır. Göründüyü kimi, arxadakı avtomobilin sürücüsü yol polisinin maşını ilə toqquşmadan son anda yayına bildi.

Baş Dövlət Yol Polis İdarəsinin Şöbə rəisi Kamran Əliyev məsələ ilə əlaqədar patrul avtomobilində həmin gün xidmət aparan polis əməkdaşlarının araşdırıldığını, onların qayda pozmasına gəlincə isə şöbə rəisi bunun araşdırmadan sonra bilinəcəyini dedi.

Azər Allahverənov onu da bildirdi ki, yol patrul haqqında təlimatda da var ki, hadisə yerinə və ya belə təqiblər zamanı patrul avtomobilində sayrışan işıqlar yandırılmalıdır. Belə ensiz yolda isə yol polisi qarşısındakı avtomobili keçmək üçün yalnız ''sren siqnal''ı verməklə yol istəməlidir.

Bir sözlə, cəld tərpənib ağır qəzadan gücnən canını qurtaran sürücü həmin yol polislərini məhkəməyə verə bilər. O ki qaldı yol polislərinə onlar da qaydaları pozduqlarına görə cərimə ödəməlidirlər.

[video=http:// ]