Zahid Oruc:"O,heç zaman ideologiyanın adamı olmadı"

"Veteninfo.az" xəbər verir ki, bu sözləri millət vəkili Zahid Oruc Yaşar Nurunun vəfatı ilə bağlı fikirlərini şərh edərkən bildirib: "Sovet illərinin genış dünyasını belə azad insanlar yaratdılar.Bəli,sistemlə döyüşmək onun vəzifəsi deyildi.Lakin Yaşar Nuri yaratdığı obrazlara ruhunu elə köçürürdü ki,insan ali dəyərlərə,mənəvi ucalığa,sadəliyə və daha neçə-neçə ilahi keyfiyyətlərə məhz onun simasında çatmağa çalışırdı. ”Kökdən düşmüş piano”da onun səsini xatırladım",deyə milləy vəkili qeyd etdi.

"Ölkəmizdən xeyli uzaqlarda-min kilometrlərlə məsafədə Yaşarın o kövrək ürəyini sanki ən həzin bir melodiya kimi hiss etdim. İndi rekviyev kimi olsa da amma biz-orta nəslin adamları bu NURLU SİMANIN BİR NƏFƏSƏ O İNSANLIQ MANİFESTİNİ yaxşı xatırlayırıq.Mənə elə gəlirdi ki,cəmiyyətin tonusu düşəndə özünü belə əvəzolunmaz sənətkarın həyat eşqi,dünyəvi sevgisi ilə tənzimləyir. Deyirlər, böyük adamlar öləndə hər kəsdən bir hissəni də özüylə aparır.Və dünya balacalaşır. 21 dekabrı gözləyənlərin nəzərinə- içində və dünyasında qaranlıq olanların hər birinə YAŞARIN NURU sonsuz işıq olardı.Əbədi ruh dincliyi diləyilə... Bu dualara İspaniyada Qarabağ dinləmələrinə birgə qatıldığımız həmkarlarım Elxan Süleymanov,Qüdrət Həsənquliyev,Fazil Mustafa,Ceyhun Osmanlı,Fərəc Quliyev də qoşulur".

Elnur Eltürk