86 İŞİD-çi məhv edildi

İraqın müxtəlif bölgələrində təşkil edilən əməliyyatlarda 86 İŞİD yaraqlısının öldürüldüyü, 19-nun yaralandığı bildirilib.

Vətəninfo.az-ın məlumatına görə, Axar.az  Anadolu agentliyi-nə istinadən xəbər verir ki, İraq Müdafiə Nazirliyindən verilən yazılı açıqlamaya görə, ABŞ rəhbərliyindəki koalisiyanın Səlahəddin şəhərinə, Ənbarın mərkəzi Ramadiyə, Kərkükün Havicə mahalına, Mosulun mərkəzinə və Təlafər ilə Şərafəddin mahallarına təşkil etdiyi hava hücumlarında İŞİD terror təşkilatının 31 yaraqlısı ölüb.
İraq təhlükəsizlik qüvvələrinin Ənbarın Kərmə mahalına təşkil etdiyi hücumda 24, o cümlədən İŞİD-ın Kərmədəki hərbi qanadının məsul şəxsi Əbu Abdulla Şaminin həlak olduğu açıqlanıb. Təhlükəsizlik qüvvələrinin Ənbarın Hüseybiyə bölgəsinə təşkil etdiyi daha bir əməliyyatda isə 24 yaraqlı məhv edilib.