Aktyor toyu günü gəlini qoyub qaçdı-Video

Aktyor Ruslan Sabirli yeni seriala çəkilir.

Aktyor Gün.Az-a açıqlamasında bildirib ki, Xəzər TV-də yayımlanacaq 24 seriyadan ibarət “Sənə inanıram” adlı serialda baş rolu canlandırır.

R.Sabirli onu da bildirib ki, xeyli vaxtdır ki, ona gələn serial dəvətlərinə yox cavabı verirmiş:

“Bir çox seriallara çəkilməkdən imtina edirdim. Çünki ssenarini bəyənmirdim. Bu serialda isə Həmid obrazını oynayacağam. Həmid bir qədər mənfi obrazdır. Deməli, 31 yaşlı Həmid Bakıdan Riqaya köçmüş və orada biznes qurmuş uğurlu iş adamıdır. Riqada yaşayan Həmidin həmçinin İrina adlı sevgilisi var. Lakin Bakıda yaşayan anası onu azərbaycanlı qızla evləndirmək istəyir. Nəhayət Həmidi razı salıb ona qız bəyəndirə bilirlər. Elçi gedilir, toy günü təyin olunur.

Həmid Riqadan Bakıya gəldiyi gün təsadüf nəticəsində 17 yaşlı Əminə ilə tanış olur və elə ilk baxışdan ona aşiq olur. Məhz elə bu səbəbdən Həmid toy günü karteji dayandıraraq şadlıq evinə getməkdən imtina edir. Qız evi isə onları gözləyir. Elə bütün faciələr və hadisələr bu andan etibarən başlayır. Aləm dəyir bir-birinə... Lakin ümid edirəm ki, tamaşaçılar bu dəfə də canlandırdığım baş rolu bəyənəcəklər”.

Qeyd edək ki, serialda Şəfəq Əliyeva, Şəlalə Qurbanova, Nuriyyə Əhmədova, Rəfael Dadaşov, Rəşad Səfərov və başqa aktyorlar çəkiliblər.