Ankara şərtlərini Kremlə göndərdi

Türkiyə "Türk axını" kəmərinin tikintisi ilə bağlı razılaşma layihəsini Rusiyaya göndərib.

Vətəninfo.az-ın ANS PRESS-ə istinadən məlumatına görə, daha əvvəl də Ankara və Moskva arasında danışıqlar olub, sadəcə, Rusiya qazına endirimlər üzrə fikir ayrılıqlarına görə proyekt uzadılıb.
Türkiyənin enerji və təbii ehtiyatlar naziri Taner Yıldız qaz kəmərinin tikintisi üzrə irəli sürülən təkliflərin detalları haqqında tam məlumat verməsə də, qeyd edib ki, Rusiya son beş-altı ayda Türkiyəyə qaz satışını 8 % azaldıb.
Energetika Nazirliyindən bildirilir ki, "Türk axını" üzrə müqavilənin layihəsini Rusiya tərəfi hələ əldə etməyib.


Taner Yıldız - Türkiyənin enerji və təbii ehtiyatlar naziri

Rusiya ilə Türkiyə arasında danışıqlara hələ iyul ayında başlansa da, Türkiyənin Rusiya qazına endirimlər etməsi təklifi ölkələr arasında fikir ayrılığına səbəb olub. 2015-ci ilin fevralın ayında Taner Yıldız bildirib ki, söhbət 10,25% endirimli 28-30 milyard kub metr qaz həcmindən gedir. Lakin bu təklifi eşidən Rusiya Energetika Nazirliyinin başçısı Aleksandr Novak Moskva və Ankara arasında danışıqların dayandırıb.


Aleksandr Novak - Rusiyanın enerji naziri

Türkiyə tərəfi deyir ki, o zaman Rusiya dörd məntəqə üzrə tikintiyə hazırlaşdığı üçün bir və ya iki qaz kəməri tikintisini dayandırmalı idi. Amma Ankaraya qaz lazım olduğu üçün, Rusiyadan gələn qaz kəmərindən imtina edə bilməz, rəsmi Moskva endirimlər etməsə belə.
"Türk axını" layihəsinə görə, qaz kəməri Qara dənizin dibi ilə Anapadan keçməli, daha sonra Türkiyə ərazisi boyunca Yunanıstana çatmalıdır. Əgər hazırlanmış bu layihə Rusiya tərəfindən qəbul olunarsa, il ərzində kəmər boyu 63 milyard kubmetr həcmində qaz təchizatı nəzərdə tutulur.